III Cursu d’Encuestadores de la Tradición Oral en Llión

III Cursu d’Encuestadores de la Tradición Oral en Llión

Los días 21, 22, 28 y 29 de setiembre y 5 y 6 d’outubre del 2019 impartiráse na “Aula Cabreiresa” de Trueitas

L’Institutu d’Estudios Cabreireses de la mano d’El Teixu, Rede pal Estudiu y Defensa de la Llingua Asturllionesa y cona colaboración del Ayuntamientu de Trueitas, organizan esti cursu d’introducción onde se va deprender la metodoloxía de la encuestación pa colaborar na salvaguarda de la tradición oral llionesa.

Las crases prácticas servirán pa participar activamente no rexistru de ñomes, cuentos, cantares, dialectoloxía, toponimia y historias cabreiresas y van valer pa saber cúmo facer las entrevistas.

Esti yía’l tercer cursu que se fa en tierras llionesas onde on s’escueita l’asturllionés. Despuéis de las acividades formativas d’encuestación desenvueltas pol Teixu n’años anteriores en Zamora, Llión ou Viḷḷablinu, ora tocóu-yi la vez a Cabreira, llugar bien coñecíu pola conservación de la llengua propia y la tradición oral tresmitida a lo llargo de los siegros.

Onque la matriculación del cursu va ser de baldre, yía necesariu apuntase no correu info.elteixu@gmail.com, no ayuntamientu de Trueitas ou na Aula Cabreiresa.

 

Programación del cursu

21 setiembre (10:30-18:00) 

  • La toponimia tradicional: conservación popular y deturpación oficial (1 y 2) [Fernando Álvarez-Balbuena – 2 horas].
  • Metodoloxía de la encuesta lingüística de campu (1, 2 y 3) [Fernando Álvarez-Balbuena – 3 horas].

22 setiembre (10:30-18:00)

  • Patrimoniu, rexistru y clasificación [Iván Martínez Lobo – 1 hora].
  • Aseranar y decir de memoria: géneros de la literatura oral en el sudoccidente de León [Isidora Rivas Turrado – 2 horas].
  • Nociones básicas de dialectoloxía asturllionesa (1 y 2) [Fernando Álvarez-Balbuena – 2 horas].

28 setiembre (10:30-19:30)

  • Metodoloxía de la encuesta de campu n’etnomusicoloxía y literatura oral (1 y 2) [Xosé Antón Fernández “Ambás” y Ramsés Ilesies Fernández – 2 horas].
  • Materiales de la tradición oral asturiana y llionesa (1 y 2) [Xosé Antón Fernández “Ambás” y Ramsés Ilesies Fernández – 2 horas].
  • Dinamización del mundu rural gracias a la tradición rescatada [Xosé Antón Fernández “Ambás” y Ramsés Ilesies Fernández – 2 horas].

29 setiembre (10:30-19:30)

  • Literatura de tradición oral en Llión (1 y 2) [Nicolás Bartolomé Pérez – 2 horas].
  • Nociones básicas de dialectoloxía asturllionesa (3 y 4) [Fernando Álvarez-Balbuena – 2 horas].
  • Literatura de tradición oral en Llión (3 y 4) [Nicolás Bartolomé Pérez – 2 horas].

5 y 6 outubre (09:00-19:30)

  • Crases prácticas d’encuestación polos llugares de Cabreira [Fernando Álvarez-Balbuena, Iván Martínez Lobo y Andrés Menéndez Blanco – 21 horas].

* Con un descansu cada duas horas y una parada pa comer de 14:00 a 16:00.

IEC

Deja una respuesta