Preséntase en Llión el mapa turístico-patrimonial de Cabreira l’Alta, con más de 200 topónimos autóctonos

La Sala Región del Instituto Leonés de Cultura (Santa Nonia, 3) acueye esti xueves 7 de setiembre a las 19:30 horas la presentación en Llión del mapa turísticu de Cabreira l’Alta, feitu por El Teixu, l’Institutu d’Estudios Cabreireses (IEC) y l’Ayuntamientu de Trueitas.

 

L’actu vai a contar cona presencia d’Ángel Rodríguez Liébana, teniente d’alcalde del Ayuntamientu de Trueitas; Fernando Álvarez-Balbuena, d’El Teixu, y Iván Martínez Lobo, del IEC, coordinadores del trabayu; y Álvaro Antona de RICI Comunicación, la empresa responsable de la realización del mapa. L’aportación específica d’El Teixu consistiéu na recoyida de la toponimia popular autóctona pa garantir la fidelidá a la tradición oral de tolos ñombres que se representan no mapa.

L’obxectivu d’esti trabayu yía amostrar deciséis rutas turísticas que recuerren los principales elementos patrimoniales y tolos llugares del municipiu. Pa completar la cartografía en papel, un códigu QR permite acceder a descripciones más detalladas de los caminos y de lo que podemos ver a lo llargo d’eillos. En total, el mapa y los textos descriptivos recueyen hasta 227 topónimos autóctonos. La mayoría de los ñombres son de Cabreira, pero tamién hai dalgunos de los territorios vecinos d’El Bierciu, Maragatos, La Valduerna, La Valdería, La Carbayeda y Senabria.

La mayor parte de los datos recoyéronse nas prácticas de trabayu de campu del III Cursu d’Encuestadores de la Tradición Oral en Llión, celebráu en Trueitas l’añu 2019. Posteriormente feciéronse varias encuestas más p’ampliar y revisar los topónimos necesarios pa completar la toponimia de las deciséis rutas. Los resultaos de la encuestación nun sirvieron namás pa recoyer los ñombres de los sitios, sinón que valieron p’aumentar el conecimientu de las falas cabreiresas y  documentoron fenómenos lingüísticos desconecíos hasta agora.

Ente los ñombres populares que recueye’l mapa encuéntranse topónimos mayores, cumo nuclios de población y territorios, pero tamién menores, cumo montes, picos, rieos, molinos, ermitas, igresias, frauguas, palombares ou zonas mineiras. Asina, recupérase la súa denominación popular que mueitas veces se vieu deturpada nos mapas oficiales. D’esta maneira, ñombres cumo El Carbayal,  El Llagu, La Llaguna, El Castiellu ou Piñéu Canales, cumo los chama la xente cabreiresa, fueron cambiaos por *El Carbajal, *Lago de Truchillas, *Laguna Malicioso, *El Castillo ou *Pico de Valteleno y recupéranse agora nesti mapa na súa forma popular autóctona.

Dende l’IEC destacoron qu’esti mapa «saca a la lluz la gran riqueza patrimonial de Cabreira l’Alta, pa que tolas personas, locales ou visitantes, puedan acercase a eilla». El documentu incluye información de castros, carriles (canales romanas), parques, arquitectura popular, museos, igresias, molinos ou monumentos naturales, entre outros.

El mapa yá está disponible nas instalaciones turísticas de Cabreira l’Alta, y tamién puede descargase nas páxinas web d’El Teixu (elteixu.org) y l’Institutu d’Estudios Cabreireses (estudioscabreireses.es).